خصوصی افراد کے عالمی دن کی مناسبت سے گلگت میں محکمہ سماجی بہبود کے ڈائریکٹوریٹ میں تقریب کا انعقاد کیا گیا۔
صوبائی وزیر سماجی بہود دلشاد بانو نے تقریب سے خطاب کرتے ہوۓ کہا کہ گلگت بلتستان حکومت خصوصی افراد کومعاشرے کافعال شہری بنانے کے لئے ہر ممکن اقدامات کر رہی ہے ۔ خصوصی افراد ہمارے معاشرے کا اہم حصہ ہیں ان کو درپیش مسائل کے حل کے لئے ترجیحی بنیادوں پر اقدامات کا سلسلہ جاری ہے۔
صوبائی وزیر نے خصوصی افراد کے نمائندوں ک جانب سے پیش کئے گئےچارٹر آف ڈیمانڈ کو پورا کرنے کی یقین دہانی کراتے ہوۓ کہا کہ خصوصی افراد کے ساتھ بھر پور تعاون کا سلسلہ جاری رہے گا ۔
اس موقع پر نمایاں کارکردگی دکھانے والےخصوصی افراد میں شیلڈذ اور دیگر تحائف بھی پیش کئے گئے۔
