گزشتہ ماہ 31 دنوں میں گلگت بلتستان میں کیا کھویا کیا پایا

🗓️ ماہنامہ مارچ 2024🗒️
جلد نمبر -02 شمارہ نمبر 03

گزشتہ ماہ کے ان 31 دنوں
ہم نے گلگت بلتستان میں کیا کھویا کیا پایا۔

✒️ رپورٹ:- کرن قاسم (جرنلسٹ)

1 مارچ کو گلگت سے پنڈی جانے والی رینٹ کار کوہستان پٹن کے مقام پر حادثے کا شکار ہوئی 4 افراد جاں بحق ہو گئے جبکہ 1 احتشام نامی شخص جس کا تعلق کنوداس گلگت سے ہے زخمی حالت ہسپتال منتقل کر دیا گیا جانبحق افراد میں عمران ولد جمعہ خان ساکن فتح جنگ اور محمد علی ساکن چارسدہ جبکہ ایک کا تعلق گلگت سے بتایا جاتا ھے
2 مارچ کو سعید آباد کے مقام پر بھاری برفانی تودے گرنے کے نتیجے گلگت غذر روڈ بلاک ہو گیا
2 مارچ کو پٹن کوہستان کار حادثے میں جاں بحق ہونے والے اسرار احمد کی ڈیتھ باڈی جو شاہراہِ قراقرم بلاک ہونے کی وجہ سے پھنسی ہوئی ہے کو لواحقین نے حکومت سے بذریعے ہیلی کاپٹر گلگت پہنچانے کی اپیل کردی۔
2 مارچ کو گلگت سید آباد تھینگی شروٹ کے مقام پر برفانی تودے گرنے سے گلگت غذر روڈ بلاک ہو گیا
2 مارچ کو شاہراہِ قراقرم روڈ تیز بارش، لینڈ سلائیڈنگ اور طغیانی کی وجہ سے 11 مقامات پر بند ہو گیا
2 مارچ کو ہنزہ ناصر آباد چھکس کے مقام پر لینڈ سلائیڈنگ کے باعث گلگت ہنزہ کے درمیان ہر قسم کے ٹریفک کے لیے بند ہو گیا
2 مارچ کو گلگت اور چلاس کے درمیان شاہراہِ قراقرم گونر فارم گندلو کے مقام لینڈ سلائیڈنگ سے بند ہو گئی
2 مارچ کو جگلوٹ سکردو روڈ لینڈ سلائیڈنگ سے تریکو، چھینگس، تلو، سمیت 9 مقامات مکمل بند ہو گئے
4 مارچ کو استور ڈشکن سید عالم داس کے مقام پر موٹر سائیکل پر مٹی کا تودہ گرنے کے واقعے میں ملبے تلے دب کر 22 سالہ موٹر سائیکل سوار شہزاد اللہ موقع پر جانبحق ہو گئے
4 مارچ کو شاہراہِ قراقرم گلگت پنڈی سیکشن کو چار روز بلاک کے بعد چھوٹی گاڑیوں کے لیے کھول دیا گیا
5 مارچ کو گلگت سب ڈویژن دنیور کے علاقے ڈیڈینگ داس کی سلائی سنٹر سے ایک نوجوان لڑکی پر اسرار طور پر لاپتہ ہونے کی اطلاع ہے غذر یاسین سے تعلق بتایا جاتا ہے
7 مارچ کو گلگت دنیور چائنا یادگار کے قریب کار ڈرائیور سے بے قابو ہوکر حادثے کا شکار ہوئی 2 افراد شدید زخمی ہو گئے پی ایچ کیو ہسپتال منتقل کر دیا گیا
7 مارچ کو گلگت بسین کے مقام پر چوروں نے رات کے اندھیرے میں سرفراز بگورو کی دکان لوٹ لی لاکھوں مالیت کے قیمتی سامان و نقدی چوری کر لئے گئے
7 مارچ کو راولپنڈی سے گلگت آنے والی مسافر کوسٹر لال پڑی کے مقام پر الٹ گئی تمام مسافر معجزانہ طور بچ گئے
7 مارچ کو گلگت بارگو کے مقام پر لینڈ سلائیڈنگ سے گلگت چترال روڈ ہر قسم ٹریفک کے لئے بند ہو گیا
8 مارچ کو گلگت پڑی کے مقام نیٹکو کی بس سے تعمیراتی لکڑی برآمد کر کے ڈرائیور کو گرفتار کیا گیا
8 مارچ کو گلگت بلتستان میں خواتین کا عالمی دن منایا گیا سب سے بڑی تقریب گلگت چنار باغ واقع وومن مارکیٹ میں منعقد ہوئی ۔
9 مارچ کو بونجی گلگت بلتستان سے تعلق رکھنے والے کرنل لطیف الرحمن ڈپٹی کمانڈنٹ بلوچ سینٹر ایبٹ آباد انتقال کر گئے
9 مارچ کو گلگت سٹی ہسپتال ادویات کرپشن کیس میں گرفتار 2 ٹھیکہ داروں کو آج اینٹی کرپشن گلگت بلتستان کی خصوصی عدالت نے جرم ثابت ہونے پر جیل بھجوا دیا
10 مارچ کو گلگت دنیور کے علاقے مچوکال میں رات کے وقت موٹر سائیکل حادثے میں 2 افراد زخمی ہسپتال منتقل کر دیا گیا
11 مارچ کو گلگت سنٹرل پریس کلب کے انتخابات میں ڈیموکریٹک پینل سال 25- 2024 کے لئے بلا مقابلہ منتخب ۔۔ الیکشن کمیشنر نے نئی کابینہ خورشید احمد صدر، وجاہت علی جنرل سکریٹری ، امتیاز علی سلطان سینئر نائب صدر ، کرن قاسم نائب صدر ، بشارت عباسی اور جوائنٹ سیکرٹری سعادت علی کا نوٹیفکیشن جاری کردیا۔
11 مارچ کو گلگت بلتستان میں رمضان المبارک کا چاند نظر آگیا کل پہلا روزہ ہوگا
12 مارچ کو غذر گوپس راؤشن میں ایک بچہ گھرکی چھت سے گر کر زخمی ہوا ہسپتال منتقل کر دیا
16 مارچ کو گلگت ہنزل کے مقام پر گاڑی ڈرائیور سے بے قابو ہو کر کھائی میں جا گری 2 افراد زخمی ہو گئے
16 مارچ کو قراقرم یونیورسٹی روڈ پر موٹر سائیکل حادثے میں 2 افراد زخمی ہو گئے پی ایچ کیو ہسپتال منتقل کر دیا گیا
17 مارچ کو گلگت
گورو جگلوٹ کے قریب محکمہ صحت نگر کی ایمبولینس گاڑی ڈرائیور سے بے قابو ہوکر حادثے کا شکار ہوئی
17 مارچ کو گلگت کے سب ڈویژن جگلوٹ میں آٹا کوالٹی خراب اور پسائی میں تاخیری حربے استعمال کرنے پر 4 فلور ملز کا گندم کوٹہ معطل کر دیا
17 مارچ کو بلتستان گانچھے ڈیونی سے تعلق رکھنے والے نوجوان شرافت علی کو نا معلوم افراد نے اسلام آباد میں گولی مار کر قتل کر دیا
18 مارچ کو گلگت کے آئی روڈ موٹر سائیکل حادثے کے زخمی ناطق حسین زخمیوں کی تاب نہ لاتے ہوئے پی ایچ کیو ہسپتال گلگت میں دم توڑ گئے
20 مارچ کو بلتستان سے تعلق رکھنے والی خاتون ڈاکٹر موٹر وے کار حادثے میں 2 بچوں سمیت جانبحق ہو گئی تینوں کی نعشیں سکردو روانہ کر دی گئی
21 مارچ کو گلگت بلتستان میں نوروز کا تہوار رمضان المبارک کے باعث سادگی سے منایا گیا
21 مارچ کو فلک نور جن کو گجر داس سے اغواہ کرنے کا پرچہ درج ہے نے نامعلوم مقام سے ویڈیو بیان جاری کرتے ہوئے کہا ہے کہ میں فرید سے محبت کرتی تھی انکے ساتھ خود گئی ہوں مجھے اغوا نہیں کیا گیا ہے میری عمر غلط بتائی جا رہی ہے 12 سال کی نہیں بلکہ 16 سال کی ہوں مجھ پر اس بیان کے لئے کسی کا دباؤ نہیں اپنی مرضی کی بیان دے رہی ہوں ۔
23 مارچ کو ملک بھر کی طرح گلگت بلتستان میں بھی یوم پاکستان بھرپور طریقے سے منایا گیا
24 مارچ کو بلتستان کھرمنگ کے علاقے کتیشو میں ہمسایہ کی بکری چھت پر آنے اور خشک سبزیاں و سوکھی گھاس کھانے پر ماں بیٹے نے ملکر بکری مالکن تشدد کا نشانہ بنایا زخمی خاتون ہسپتال داخل ماں بیٹے کو پولیس نے حراست میں لے کر تحقیقات شروع کر دی
24 مارچ کو سوات سے چلاس آنے والی گاڑی پٹن کے مقامِ پر حادثے کا شکار ہوئی 3 افراد جانبحق 2 زخمی ہو گئے تفصیلات زیل ہے
1- سعیدانور ولد عبدالخالق سکنہ شانگلہ جانبحق
2- شیر محمد ولد جلداد سکنہ دیامر جانبحق
3- عنایت ولد شفیع اللہ سکنہ دیر لوئر جانبحق
4- شوکت علی والد سیداللہ سکنہ گلی باغ سوات زخمی
5- شا جہان ولد رحمت ولی سکنہ بھاشہ زخمی
24 مارچ کو گلگت سب ڈویژن دنیور کے علاقے مچوکال میں آوارہ کتوں نے غریب کے مویشی خانہ گھس کر 2 بھیڑوں کو کھا گئے
25 مارچ کو گلگت مدینہ مارکیٹ کے قریب ایک روز قبل گاڑی کے ٹکر سے زخمی قاری محمد نصیر ساکنہ گوہر آباد دیامر آج زخموں کی تاب نہ لاتے ہوئے جانبحق ہو گئے
26 مارچ کو گلگت سب ڈویژن دنیور ڈیڈنگ داس کے قریب دریا کنارے سے ایک نامعلوم خاتون کی نعش برآمد کر کے شناخت کے لئے پی ایچ کیو ہسپتال منتقل کر دی گئی
26 مارچ کو سکردو کچورا کے قریب گن پوائنٹ پر نامعلوم ڈاکوؤں نے ٹرک ڈرائیور سے 1, لاکھ 80 ہزار کی نقدی لوٹ کر رفو چکر ہو گئے ۔
26 مارچ کو شاہراہ قراقرم گوہر آباد لیچر کے مقام پر سوزوکی اور ٹرک میں تصادم 2 افراد جاں بحق ایک زخمی ہوئے جبکہ پولیس زرائع کے مطابق جاں بحق ہونے والوں میں سوزوکی ڈرائیور اور مسافر شامل ہیں سوزوکی ڈرائیور کا تعلق گونر فارم چلاس جبکہ جاں بحق اور زخمی مسافر کا تعلق داریل سے ہے
26 مارچ کو سکردو بازار میں کار دکان سے جا ٹکرائی 3 افراد زخمی ہوگئے ہسپتال منتقل کر دیا گیا زرائع کے مطابق کار سٹرنگ لاگ کے نتیجے حادثہ پیش آیا
27 مارچ کو وزیر داخلہ شمس الحق کی طرف سے گلگت بلتستان میں 2 خود کش بمبار دخلے کی اطلاع سیکیورٹی سخت کرنے کا حکم جاری۔
27 مارچ کو ایک روز قبل دینور کالج کے قریب سے ملنے والی خاتون کی نعش شناخت کرلی گئی یہ نعش 18 سالہ اینارا نامی لڑکی کی ہے جو غذر یاسین سے تعلق رکھتی تھی اور عارضی طور دنیور ڈیڈنگ داس میں رہائش پذیر تھی گزشتہ 24 دنوں سے لاپتا ہونے کا بتایا گیا ۔
27 مارچ کو گلگت سنٹرل پریس کلب کے باہر سول سوسائٹی نے 13 سالہ طالبہ فلک نور کی بازیابی کے لئے احتجاج کیا اور اس کیس میں پولیس کی جانب سے لاپرواہی برتنے پر سخت مزمت کی گئی
27 مارچ کو گلگت فلک نور اغوا کیس میں چیف کورٹ نے پولیس کو 02 اپریل 2024 تک مہلت دی اگر اس تاریخ کو بچی فلک نور عدالت میں پیش نا کی گئی تو پولیس کے خلاف سخت کاروائی عمل میں لائی جائے گی ۔
27 مارچ کو گلگت کشروٹ سرسید سکول کے باہر دو گروپوں میں تصادم چھموگڑھ سے امتحانی پیپر دینے والے 3 طلباء زخمی ہو گئے جنہیں شدید زخمی حالت کشروٹ ہسپتال منتقل کر دیا گیا۔
28 مارچ کو غذر چٹورکھنڈ سے تعلق رکھنے والے نوجوان فیضام امان شاہ ولد دولتِ امان شاہ نے گلگت میں خودکشی کر لی نعش سٹی ہسپتال گلگت منتقل کردیا گیا۔
28 مارچ کو سپریم اپیلٹ کورٹ گلگت بلتستان نے چند سال قبل غلطی سے بارڈر کراس کرکے استور گلگت بلتستان داخل ہونے والے بھارتی شہریوں کو فیروز لون اور نور محمد وامی ساکنان بھانڈی پورہ گریز کی درخواست پر آزاد کشمیر حکومت کے حوالے کرنے کا فیصلہ دے دیا۔
28 مارچ کو گلگت بلتستان بھر میں گزشتہ شپ سے تیز بارشوں کا سلسلہ جاری ہے مقامی انتظامیہ کی جانب سے لینڈ سلائیڈنگ خدشات کے پیش نظر غیر ضروری سفر نہ کرنے کا الرٹ جاری کر دیا گیا
29 مارچ کو ہنزہ سے اٹھارہ سالہ انارا کیس میں 2 افراد کو پولیس نے حراست میں لے کر تحقیقات شروع کر دی واضح رہے کہ یاسین غذر سے تعلق رکھنے والی 18 سالہ خاتون انارا کی نعش گلگت کے حدود میں دریائے گلگت کے کنارے برآمد ہوئی تھی جس پر جنسی تشدد کے بعد قتل کرنے کا شبہ اختیار کیا جا رہا ہے
29 مارچ کو گلگت بلتستان اسمبلی کا اجلاس غیر معینہ مدت تک ملتوی کر دیا گیا
29 مارچ کو تیز بارشوں اور لینڈ سلائیڈنگ کے باعث شاہرہ قراقرم کوہستان کے مقام پر بند ہو گئی گلگت پنڈی کے درمیان زمینی رابطہ منقطع ہو کر رہ گیا
30 مارچ کو گلگت بلتستان کے وزیر اعلیٰ حاجی گلبر خان عمرہ کی سعادت حاصل کرنے کے بعد ملک واپس پہنچ گئے
30 مارچ کو گلگت خومر کے مقام پر ایک ٹھیکہ دار کی طرف سے سابق صدر گلگت بلتستان نیوز پیپرز سوسائٹی عامر جان پر حملہ کیا گیا
31 مارچ کو کوہستان کے مقام لینڈ سلائیڈنگ سے بلاک گلگت پنڈی روڈ ہر قسم ٹریفک کے لئے کھول دیا گیا
31 مارچ کو فلک نور کیس حوالے سے وزیر اعلیٰ گلگت بلتستان کے ترجمان فیض اللہ فراق اور وزیر داخلہ شمس الحق نے اسلام آباد میں پریس کانفرنس کیا#