دنیور میں پانی کا بحران، عوام ٹینکرز خریدنے پر مجبور
گزشتہ پانچ دنوں سے دنیور میں پانی کی شدید قلت نے عوام کی زندگی مشکل بنا دی ہے۔ مقامی افراد کے مطابق علاقے میں پانی کی فراہمی مکمل طور پر بند ہے جس کی وجہ سے لوگ اپنی ضروریات پوری کرنے کے لیے پانی کے ٹینکرز خریدنے پر مجبور ہیں۔
عوام کا کہنا ہے کہ پانی کی قلت کے باعث روزمرہ زندگی مفلوج ہو چکی ہے۔ نہ صرف گھریلو کام کاج متاثر ہو رہے ہیں بلکہ پینے کے صاف پانی تک بھی رسائی ممکن نہیں رہی۔ عوام نے شکایت کی کہ، “پانی کے ٹینکر خریدنا ہمارے بجٹ پر اضافی بوجھ ڈال رہا ہے۔ متعلقہ حکام کی جانب سے کوئی متبادل انتظام یا وضاحت نہیں دی جا رہی۔”
دنیور کے عوام نے متعلقہ حکام سے فوری اقدامات کی اپیل کی ہے تاکہ پانی کی فراہمی بحال کی جا سکے۔
عوام کا مطالبہ ہے کہ علاقے میں پانی کی فراہمی کے لیے اقدامات کیے جائیں تاکہ مستقبل میں ایسے مسائل سے بچا جا سکے۔
